Skip to main content

📌 هكلمك هنا عن أخطاء بيقع فيها حديث التخرج أثناء البحث عن أول وظيفة (وإزاي تتجنبها؟)

بتدور على شغل؟

أكيد مريت على الجملة الشهيرة: "محتاجين حد عنده خبرة!"
طب وانت حديث التخرج، تجيب خبرة منين؟ 😩

؟ قدّمت على عشرات الوظايف ومفيش رد واحد

لو أنت/ي لسه متخرج وبتدوّر على شغل، تعالى اقولك أخطاء البحث عن عمل
: المشكلة مش فيك بالضرورة، لكن ممكن تكون في شوية أخطاء بسيطة بتقلّل فرصك، ودي أشهرها

🌟اولا: التقديم العشوائي على أي شغل

كل ما أشوف وظيفة،بمعنى أول وظيفة تقع قدامى أقدّم وخلاص!

ده بيخليك مش مميز وسط العدد الكبير اللي بيقدّم.

:✅ الحل
حدّد هدفك، وركّز على مجالات معينة. عدّل السيرة الذاتية حسب الوظيفة اللي بتقدّم عليها 

ثانيا :الاعتماد على مواقع التوظيف بس🌟

بفتح LinkedIn أو Wuzzuf كل يوم... بس مفيش جديد!

✅ الحل:
فعّل شبكة علاقاتك، ابعت لموظفين/HR مباشرة، احضر فعاليات، وشارك في مجتمعات مجالك.

ثالثا: مش بتطوّر مهاراتك أثناء فترة البحث🌟

هستنى لما أشتغل وابتدي أتعلم!

✅ الحل:
ابدأ من دلوقتي. اتعلّم مهارة واحدة مفيدة في مجالك، وخد كورسات أونلاين (زي Udemy - Coursera - إدراك.

رابعا: التركيز على الشهادة فقط🌟 

أنا خريج كلية كذا… المفروض أشتغل فورًا!

✅ الحل:
الشهادة خطوة، لكن المهارات العملية أهم. اشتغل على مشاريع أو تدريب تطوعي، وخلّي عندك نماذج شغل حقيقية.

خامسا:القلق والاستعجال🌟

متخرج بقالى شهر ولسه مشتغلتش!

✅ الحل:
خد وقتك، واشتغل على نفسك في نفس الوقت. كل خطوة بتاخدك أقرب للفرصة المناسبة.

الخلاصة:
لو أنت/ي في بداية الطريق، ماتخليش الأخطاء دي توقفك. كلنا مرّينا بنفس المرحلة، والمفتاح هو إنك تبدأ صح، وتستمر في التطوير.

🎯 شارك المقال مع حد حديث متخرج أو بيبدأ يدور على شغل،
واكتبلي في التعليقات:
إيه أكتر حاجة بتواجهك حاليًا في رحلة البحث عن وظيفة؟

وهل قابلتك واحده من الاخطاء ديه ؟😉

"شخص يبحث عن فرص عمل"




Comments

Post a Comment

Popular posts from this blog

"إزاي تكتب CV يعدي أنظمة تتبع المتقدمين (ATS)؟"

" ممكن ال CV  بتاعك يبقى رائع ... لكن هل هيشوفها عين HR ولا هتترفض من ATS ؟ " كتير من الناس بتفتكر إن الـ CV بيتقيم مباشرة من الـ HR ، لكن الحقيقة إن أول مرحلة بيعدي عليها الـ CV في شركات كتير هي نظام اسمه ATS – Applicant Tracking System. المقال ده هيشرحلك ببساطة إيه هو الـ ATS ، وازاي تجهز سيرتك الذاتية عشان متترفضش قبل ما حد يبص عليها أصلاً . 🧠 يعني إيه ATS ؟ الـ ATS هو برنامج بتستخدمه الشركات لتنظيم ومتابعة طلبات التوظيف. أول ما تبعت الـ CV بتاعك، النظام ده بيقرأه ويحدد إذا كان مناسب للوظيفة ولا لأ، بناءً على كلمات مفتاحية ومعايير محددة مسبقًا .فتعالى اقولك ازاى تتخطى فلترة ATS  ❓ ليه الشركات بتستخدمه؟ لتقليل عدد الـ CVs اللي بيوصل للـ HR. لتوفير وقت في التصفية الأولية . لتنظيم عملية التوظيف خصوصًا في الشركات الكبيرة . ⚙️ إزاي بيشتغل؟ الشركة تنشر إعلان وظيفة بمواصفات معينة . النظام بيدوّر في كل الـ CVs على كلمات مفتاحية مطابقة . لو الـ CV مش منسق صح أو ناقص كلمات مهمة، بيروح مباشرة للـ Rejec...
Post a Comment
Read more

أول CV كان سبب رفضي! أخطاء في السيرة الذاتية لازم تتجنبها (من تجربة شخصية)

  "CV".  كلنا بنفتكر أول خطوة خطيناها في طريق الشغل، وأوقات بتكون أول خطوة دي أنا فاكرة أول CV عملته كويس جدًا . كنت متحمسة، جمعت كل الشهادات اللي عندي، كتبت كل كورس حضرته، وكل نشاط شاركت فيه، ورتبتهم في ملف وورد . لكن اللي حصل بعدها كان صادم . قدّمت على أول وظيفة كنت حابة أبدأ بيها، وبعد ما استنيت الرد بفارغ الصبر، جالي رفض مباشر . مش مقابلة، ولا حتى Email فيه Feedback. " للأسف شكل الـ CV غير مناسب ومش واضح، فاستبعدناه من المرحلة الأولانية ." اللحظة دي وجعتني، بس فتحت عيني على حاجات عمري ما كنت واخدة بالي منها .وهى  " أشهر أسباب رفض الـ CV لحديثي التخرج." 1- الشكل مهم زي المحتوى📝 كنت فاكرة إن الـ CV المفروض يعرض كل حاجة عملتها، بغض النظر عن التنسيق. لكن اللي اكتشفته إن شكل الـ CV هو أول حاجة الـ Recruiter بيشوفها، وبيكوّن انطباعه منها . ✅ لازم يكون منسق كويس، فيه مسافات واضحة، ترتيب منطقي، واستخدام محترف للخطوط . 2- البساطة مش ضعف🔑 أنا كنت بحب أزود ألوان وخطوط مختلفة عشان أحس إن الـ CV شكله "مميز"… لكن ده ع...
Post a Comment
Read more

اتخرجت واترفضت في شغل؟ خطوات للتعامل مع رفض الوظيفة وتحويله لفرصة

 ال تخرج لحظة بنستناها كلنا، لكن أول ما بنوصلها، بنكتشف إن الطريق لسه طويل ❓❗: أسئلة كتير بتبدأ تدور في دماغنا " أنا هشتغل إيه؟ أبدأ منين؟ إزاي أجهز نفسي لسوق متغير كل يوم؟ "       👌   لو إنت/ي حسيت/ي بالضياع في أول خطواتك بعد التخرج، فأنت مش لوحدك، والمقال ده ليك 😲 أولًا: ليه سوق العمل بقى متغير بالشكل ده؟ : في آخر 10 سنين، حصل تحول كبير في شكل الشغل ·        الذكاء الاصطناعي بدأيستبدل وظائف تقليدية   ·        Freelance شركات كتير بقيت تشتغل عن بُعد أو بنظام الـ ·        المهارات المطلوبة بتتغير أسرع من المناهج الجامعية 📌 النتيجة؟ . شهادة جامعية لوحدها ما بقتش كفاية. لازم تبني مهارات وتطور نفسك باستمر ثانيًا: إزاي تكتشف المجال اللي يناسبك؟ : مش شرط تشتغل في نفس تخصصك! المهم تلاقي تقاطع بين ·        اهتماماتك ·        مهاراتك الطبيعية ·        احتياجات السوق أو احجز...
Post a Comment
Read more