Skip to main content

هل LinkedIn بتاعك فعلاً بيساعدك تلاقي شغل؟

نصايح لينكدان ✌

 لو لسه متخرج أو بتدور على شغل، فأول حاجة لازم تهتم بيها هي البروفايل بتاعك على لينكدإن

فيه فرق كبير بين بروفايل شكله عادي، وبين بروفايل بيخلي الريكروترز يدوروا عليك.

في المقال ده، هقولك إزاي خطوة بخطوة تعمل بروفايل LinkedIn احترافي يلفت النظر ويساعدك تفتح باب الفرص 

👌الخطوات الرئيسية عشان نعمل LinkedIn

·        صورة شخصية احترافية

اختار صورة تكون واضحة، مبتسم فيها، والخلفية بسيطة.
ملابسك تكون شبه اللي ممكن تروح بيها مقابلة عمل.

·        العنوان المهني (Headline) = أكتر من مجرد الوظيفة

بدل ما تكتب "خريج كلية تجارة"، جرب مثلا تكتب:
 مهتم بمجال الموارد البشرية | باحث عن فرصة تدريب في Recruitment

ده لو انت فعلا بتدور ازاي تلاقي شغل من لينكدإن

·        الملخص (About) = قصتك باختصار

اكتب نبذة قصيرة عنك: بتدرس/خلصت إيه، بتدور على إيه، وبتحب تتعلم إيه.
خليها بصيغة ودية وسهلة.

·        التعليم (Education)

اكتب الجامعة، القسم، سنة التخرج، والمشاريع أو المواد اللي اتعلّمتها وكان ليها تأثير عليك.

·        المهارات (Skills)

اختار المهارات اللي ليها علاقة بالمجال اللي عايز تشتغل فيه، وركّز على المهارات اللي بتتكرر في الوظايف وحط كل المهارات الى انت عارفها سواء تكنيكال او شخصية.

·        النشاط (Activity) = سيب بصمتك

تابع صفحات شركات، شارك في بوستات، انشر مقالات مفيدة – نشاطك بيظهر للريكروتر.

·        قسم الـ"Featured" = خليه يلمع

حط لينك الـ CV بتاعك، مشروع عملته، أو بوست حابب تبرزه.

·        التوصيات (Recommendations)

اطلب من دكتور جامعي، مدرب تدريب صيفي، أو زميل يشهدلك بشيء إيجابي.

  • 💬"Checklist سريعة لبروفايلك"
  • صورة شخصية واضحة
  • عنوان وظيفي دقيق
  • ملخص شخصي يجذب
  • خبرات وتوصيات
  • كلمات مفتاحية في الوصف

📌 الخلاصة:

  • لينكدإن مش بس بروفايل، هو شبكة بتبنيها.
    كل خطوة صغيرة بتقربك من الفرصة اللي نفسك فيها.
    ابدأ النهارده، طوّر بروفايلك، وابدأ تبني وجودك المهني خطوة بخطوة.

 

"شخص يعدل بروفايله على لينكدإن بشكل احترافي"

  • / LinkedIn Tips for Fresh Graduates/ LinkedIn للمبتدئين
  • بروفايل لينكدإن احترافي / نصائح لينكدإن / / LinkedIn Tips

Comments

Post a Comment

Popular posts from this blog

"إزاي تكتب CV يعدي أنظمة تتبع المتقدمين (ATS)؟"

" ممكن ال CV  بتاعك يبقى رائع ... لكن هل هيشوفها عين HR ولا هتترفض من ATS ؟ " كتير من الناس بتفتكر إن الـ CV بيتقيم مباشرة من الـ HR ، لكن الحقيقة إن أول مرحلة بيعدي عليها الـ CV في شركات كتير هي نظام اسمه ATS – Applicant Tracking System. المقال ده هيشرحلك ببساطة إيه هو الـ ATS ، وازاي تجهز سيرتك الذاتية عشان متترفضش قبل ما حد يبص عليها أصلاً . 🧠 يعني إيه ATS ؟ الـ ATS هو برنامج بتستخدمه الشركات لتنظيم ومتابعة طلبات التوظيف. أول ما تبعت الـ CV بتاعك، النظام ده بيقرأه ويحدد إذا كان مناسب للوظيفة ولا لأ، بناءً على كلمات مفتاحية ومعايير محددة مسبقًا .فتعالى اقولك ازاى تتخطى فلترة ATS  ❓ ليه الشركات بتستخدمه؟ لتقليل عدد الـ CVs اللي بيوصل للـ HR. لتوفير وقت في التصفية الأولية . لتنظيم عملية التوظيف خصوصًا في الشركات الكبيرة . ⚙️ إزاي بيشتغل؟ الشركة تنشر إعلان وظيفة بمواصفات معينة . النظام بيدوّر في كل الـ CVs على كلمات مفتاحية مطابقة . لو الـ CV مش منسق صح أو ناقص كلمات مهمة، بيروح مباشرة للـ Rejec...
Post a Comment
Read more

أول CV كان سبب رفضي! أخطاء في السيرة الذاتية لازم تتجنبها (من تجربة شخصية)

  "CV".  كلنا بنفتكر أول خطوة خطيناها في طريق الشغل، وأوقات بتكون أول خطوة دي أنا فاكرة أول CV عملته كويس جدًا . كنت متحمسة، جمعت كل الشهادات اللي عندي، كتبت كل كورس حضرته، وكل نشاط شاركت فيه، ورتبتهم في ملف وورد . لكن اللي حصل بعدها كان صادم . قدّمت على أول وظيفة كنت حابة أبدأ بيها، وبعد ما استنيت الرد بفارغ الصبر، جالي رفض مباشر . مش مقابلة، ولا حتى Email فيه Feedback. " للأسف شكل الـ CV غير مناسب ومش واضح، فاستبعدناه من المرحلة الأولانية ." اللحظة دي وجعتني، بس فتحت عيني على حاجات عمري ما كنت واخدة بالي منها .وهى  " أشهر أسباب رفض الـ CV لحديثي التخرج." 1- الشكل مهم زي المحتوى📝 كنت فاكرة إن الـ CV المفروض يعرض كل حاجة عملتها، بغض النظر عن التنسيق. لكن اللي اكتشفته إن شكل الـ CV هو أول حاجة الـ Recruiter بيشوفها، وبيكوّن انطباعه منها . ✅ لازم يكون منسق كويس، فيه مسافات واضحة، ترتيب منطقي، واستخدام محترف للخطوط . 2- البساطة مش ضعف🔑 أنا كنت بحب أزود ألوان وخطوط مختلفة عشان أحس إن الـ CV شكله "مميز"… لكن ده ع...
Post a Comment
Read more

اتخرجت واترفضت في شغل؟ خطوات للتعامل مع رفض الوظيفة وتحويله لفرصة

 ال تخرج لحظة بنستناها كلنا، لكن أول ما بنوصلها، بنكتشف إن الطريق لسه طويل ❓❗: أسئلة كتير بتبدأ تدور في دماغنا " أنا هشتغل إيه؟ أبدأ منين؟ إزاي أجهز نفسي لسوق متغير كل يوم؟ "       👌   لو إنت/ي حسيت/ي بالضياع في أول خطواتك بعد التخرج، فأنت مش لوحدك، والمقال ده ليك 😲 أولًا: ليه سوق العمل بقى متغير بالشكل ده؟ : في آخر 10 سنين، حصل تحول كبير في شكل الشغل ·        الذكاء الاصطناعي بدأيستبدل وظائف تقليدية   ·        Freelance شركات كتير بقيت تشتغل عن بُعد أو بنظام الـ ·        المهارات المطلوبة بتتغير أسرع من المناهج الجامعية 📌 النتيجة؟ . شهادة جامعية لوحدها ما بقتش كفاية. لازم تبني مهارات وتطور نفسك باستمر ثانيًا: إزاي تكتشف المجال اللي يناسبك؟ : مش شرط تشتغل في نفس تخصصك! المهم تلاقي تقاطع بين ·        اهتماماتك ·        مهاراتك الطبيعية ·        احتياجات السوق أو احجز...
Post a Comment
Read more